Ye Hai Meri Zubani......Dau Labzo Ki Nahi Ye Kahani....!!!

Wo pehli baar tumhara mujhse nazar milana

Muskurake mujhse mere kareeb aana

Aadat ke teh mujhse baar baar takrana

Mazboor the tum apne aasqhiqi mizzaz se

Na samjhe ki muhskil hoga abke waapis jana;

Chori se mere ghar mei aake

Mujhse behki behki baatein karke

Pehli baar mei hi wo ehsaas kara gaye the tum

Ki zindagi ke sabse hasin pehlu se majhoof the hum;

Guzara jab wo pehla lamha tumhari baahon mei

Madhosh hau gaye the hum tumhari saanson mei

Reh gaya tha meri kajal ka ek saboot

Tumhari us safed kameez ke aastin pe

Nahi jane the tum ye mulakaten kya rang layengi

Hum jaan gaye the usi pal ki ye ab na ruk payengi;

  

Yaad hain hame jab tumne kaha tha

Lagta hai ki tumko humse thoda sa ishq hua tha

Humne bola fir jaane dau hame

Tumne kaha sahi keh rahi hau tum abke

Dur jaane ki har koshish nakaamyaab rahi

Chalte Chalte ye kahani daastan ban gayi;

Saawan ke mausam ki baarish mei bheegna

Tumhara mere peeche peeche daud ke aana

Patjhad ke bikhre paaton mei mohabaatein bunna

Bas tumhari ek nazar ka didaar karna;

Wo chupte chupate raat ke andhere mei tumhe milne aana

Tumhare seene se lagne ka besarbi se intezaar karna

Tumhare hoton ko chuna aur wahin ruk jana

Tumhe apne hoton se amrit ki ghoont pilana;

Tumhare liye us ghar ko sajana

Sirf tumhari har khushi ka khyaal rakhna

Tumhari har umeed pe utarna

Tumhari manzil ko apna raasta chun na

Har din ke ek naye rang mei dhalna

Tumhara humse roothna aur kabhi tumhara hame manana

Ye afsana hamara chalta raha janejana;

Tumhara us kashish ke sath mujhse ishq karna

Sirf meri hau kehke mujhpe wo hak jatana;

Nahi bhoolungi mein wo tere chune ka ehsaas

Karta tha jo mujhe har pal bekraar;

Sapne bunte chale gaye the hum

Un raaton ki khushboo mei lipat gaye the hum

Zindagi ke kis mod pe aa gayi

Sabko bhula ke teri hone ko aa gayi

Aaya wo lamha jab lena tha ek faisla hame

Dil bina soche keh utha

Nahi jeena hame isse juda hoke;

Apni zindagi ke mayine badal diye                           

Tujhse naata jodne ke liye rishte badal diye

Wo aaina kehta tha mujhse, ye tu kis raaste chali gayi

Duniya ke vasool bhulke apni magan mei hau gayi

Nahi suni un sab ki awaaz jo kehte the ki tum hogi barbaad

Barbaadi nahi ye dil tha mera jiski zubaan pe bas ek naam tha tera;

Mohabbat hau tum meri ye jante the tum

Phir bhi mera har ghadi imtehaan lete gaye tum;

Humne bola alvida tau tum maane nahi

Tumne bola alivda tau dhadkan ruk gayi

Jeene ki chahat wahin beh gayi;

Sameitoge tum kisi aur ko apni baahon mei

Ye sochte  hi meri ruh rau gayi

Aarzoo thi hamari tere sang zindagi bitane ki

Justaju ke saaye mei aakhri saans lene ki;

Teri yaad es jism ke har kone mei bas gayi, Wo yaadein aansyuon mei simat ke rehgayi,

Bhulenge na tujhe ye dil janta hai mera,  Us kashish ke sath gehra naata hai mera

Dil ki daastan sunate reh gaye, tumne pukaar suni nahi aur zindagi unhi sannaate mei beet gayi.....!!!!!!!!!

Wo Lamha Aaya Hi Tha....!!!

Kisi se ishq nahi ab, kisi se koi shikwa nahi 

Zindagi mei wo kissa pehli baar hua tha

Soch liya tha, na karenge kisi pe aitbaar hum

Badi mushkil se ye dil fir ek baar sambhla tha

Samjha liya tha apne aap ko, Par khudh pe guroor jarur tha

Nazre utha kar, gehri saans le kar

Uthaya humne agla kadam,

Utre hi the zameen pe, us hi roz aaya ek shaks

Kehta, bas unhi milne aa gaye tumse hum

Mere shehar ka bata ke

Kar gaye kayi baatein tum

Dabi dabi muskurakat se

Mere dil mei basna chahe tum

Tera mujhse rishta kuch nahi

Fir bhi ek choti si daastan bana gaya

Ek baar dil tuta tau kya hua

Aur milenge zindagi mei

Ye tu mujhe samjha gaya

Teri wo baatein apnapan jata gayi

Mujhse meri udaasi le gayi

Jo lagta tha hume namumkin

Haste haste us dard ko apnana sikha gaya

Teri nigahon ke hum deewane hau gaye

Ishq nahi tha tumse par ek tukda dil ka tum le gaye

Nahi karni thi hume kisi se ab dillagi

Kyon nahi samjhe tum, wo kashish kaisi tum hum se kar gaye

Teri har tasveer ko baar baar dekhte hain

Teri us adaa pe hum bhi marte hain

Par ek baat tu bhi samjh le,

laga ke dekh ek meri tasveer ko apne sath

Aur pooch le kisi se bhi, hum ek sath kitne jachte hain

Hum samjhe abki baar tau zindagi sambhal hi jayegi

Lagta hai ye fir se rusva hi karke jayegi

Tumhari hau jati tau zindagi khushnumaar hau jati

Ban ke afsana tere hi geet gaati

Beshumaar sukoon aate aate, saans ke sath ruk gaya

Wo lamha aaya hi tha, ki bas mujhse alvida keh gaya

Ab tum yahi soch kar khush reh lena

Ke kabhi humne tumse dosti ki thi..

Mohabbat nahi ki tau kya

Mohabbat ki chand baatein tau ki thi....!!!!